Ang mga rip current ay malalakas na daloy ng alon palayo sa tabing dagat mula sa surf zone. Ang mga ito ang pangunahing panganib sa mga tabing-dagat ng Australya. Ang pinakamahusay na paraan upang maiwasan ang isang rip ay ang paglalangoy lamang sa tabing-dagat na may nagroronda, sa pagitan ng mga pula at dilaw na watawat.

Kapag ang mga malalaking alon ay umabot sa mababaw na tubig, itinutulak na paitaas ang sarili hanggang pumutok. Ito ang sandaling mawasak ang alon. Mayroong tatlong uri ng mga breaking wave, ang bawat isa ay magkakaiba. Sa anumang tabing-dagat, karaniwang magkakaroon ng isang kombinasyon ng tatlong uri ng mga alon: sumisisid o tumatapon (plunging or dumping), umaagos o gumugulong (spilling or rolling), at mga sumusugod (surging) na mga alon. Ang mga malalakas na tumatapon at mga sumusugod na alon ay maaaring mapanganib dahil ang mga ito ay maaaring malaki at biglaan.

Ang tag-init sa Australya ay kasingkahulugan ng mga araw na mahaba, mainit at maaraw. Ibig sabihin nito na nadaragdagang ang pagkakalantad sa init at pontensyal na mapanganib na UV rays. Upang matamasa ang tabing-dagat, mahalagang sundin mo ang ilang mga mga simpleng hakbang pagdating sa kaligtasan sa araw – laging siguraduhin na naglalagay ka ng sunscreen na di-kukulang sa 20 minuto bago magtungo sa labas at muling magpahid bawat ilang oras.

Ang bluebottle (Physalia) ay marahil ang pinaka-kilalang jellyfish sa baybayin ng Australya. Ang kanilang asul, mala-lobo na layag ay lumulutang sa itaas ng tubig at nakakabit sa isang mahabang galamay (tentacle) na umaabot sa ibaba nito. Ang galamay na ito ay nababalutan ng mga selyula na tumutusok na tinatawag na nematocysts. Kapag nahihipo nito ang balat ng tao, nag-iiniksyon ito ng kaunting lason na sanhi ng pangangati at maaaring magiging makirot.

Habang ang blue-ringed octopus ay maaaring mukhang maliit at maganda, maaari itong nakamamatay. Ang mga ito ay labis na napakahusay na magbabalatkayo sa mga batuhan at ipinapakita lamang ang kanilang mga asul na singsing kapag nanganganib. Ang blue-ringed octopus ay karaniwang nagtatago sa mga mababaw na mga rock pool sa mga lugar na bumababa at tumaas ang tubig-dagat (inter-tidal) sa buong paligid ng Australya.

Maraming uri ng mga pating sa paligid ng Australya. Karamihan ay hindi nakapipinsala sa mga tao. Bagaman natatakot ang mga tao sa mga pating, ang mga ito ay mahalagang bahagi ng malusog na kapaligiran (ecosystem). Ang mga pag-atake ng mga pating ay napakabihira at kung susundin mo ang aming mga paala-ala tungkol sa kaligtasan, ang panganib ay mas mababa pa. Ang pinakaligtas na bahagi ng tabing-dagat ay ang lugar sa pagitan ng mga pula at dilaw na watawat kung saan ang mga sinanay na lifesaver at lifeguard ay matalim ang pagbabantay sa laban sa mga pating. Kung may makita silang isang pating, ang mga lifesaver at lifeguard ay kaagad na magtaas ng mga babala: magtutunog ng sirena o kampana, itataas ang pula at puting watawat at ihayag sa iyo na umalis kaagad sa tubig.

Inilalagay ng mga lifesaver ang mga watawat kung saan ligtas ang lumangoy at minamanmanan nila itong lugar at mapapansin kapag ikaw ay nangangailangan ng tulong.

Ang mga lifesaver ay naglalagay ng mga palatandaan sa dalampasigan upang ipaalam sa iyo ang anumang mga panganib na maaaring naroroon – tiyakin na nakita mo ang mga palatandaang ito bago pumasok sa tubig.

Pagdating mo sa beach, puntahan at kumustahin ang mga lifesaver – naroroon sila upang tumulong at gusto nilang makilala ang mga bagong tao at sagutin ang iyong mga katanungan.

Palaging lumangoy na may kasamang kaibigan o taong may sapat na gulang at huwag lumusong sa tubig nang nag-iisa.

Maaaring nakakatakot ang nasa karagatan na hindi maaabot ang ilalim, ngunit tandaan na manatiling kalmado at itaas ang iyong mga braso para matulungan. Subukan ang lumutang at kung sa palagay mo ay hinihila ka palayo sa baybayin, iwasan ang lumangoy laban sa kuryente – mapapagod ka lamang at mahihirapan na mananatiling nakalutang.

Kung hindi ka magaling na lumangoy, huwag subukang iligtas ng ibang tao na nasa panganib – laging humingi ng tulong – kung walang lifesaver, tumawag sa 000. Maaari kang tumulong sa iba sa pamamagitan ng paghagis sa kanila ng isang bagay na mahahawakan na kagaya ng isang board o cooler box na walang laman. Tumingin sa paligid, maraming mga dalampasigan ang may mga nakalagay na pulang kagamitan na pampalutang (red floatation device) na magagamit ng publiko.