သင် အပြင်သို့မထွက်မီ အနည်းဆုံး မိနစ် ၃၀ ကြိုတင်၍ နေရောင်ခြည် ကာကွယ်ဆေးကို သုတ်လိမ်းသင့်သည်။ သင် အထူးသဖြင့် ရေထဲတွင် တစ်နေ့လုံး နေနေလျှင် နေရောင်ခြည် ကာကွယ်ဆေးကို ပုံမှန် အဖန်တလဲလဲ သုတ်လိမ်းပေးနေသင့်သည်။

သာမန် အဝတ်အစားများသည် ရေစိမ့်ဝင်၍ ပြည့်ဝ (ရေဖြင့် ပြည့်လျှံ) သွားကာ အလွန်လေးလံလာနိုင်ပြီး ရေကူးနိုင်ရန်လည်းကောင်း ရေထဲ၌ ပေါလောပေါ်နေနိုင်ရန် သို့မဟုတ် ရပ်နေနိုင်ရန်လည်းကောင်း အလွန်ပင် ခက်ခဲစေနိုင်သဖြင့် ၎င်းတို့ကို ဝတ်ဆင်ပြီး ရေမကူးပါနှင့်။ ကိုယ်တစ်ကိုယ်လုံးကို ဖုံးအုပ်စေသော burkini (ဘုရ်ကီနီ) အပါအဝင် ဘေးကင်းစိတ်ချရသော ရွေးချယ်နိုင်စရာ ရေကူးဝတ်စုံ အမြောက်အမြားရှိပါသည်။

သင် ကျောက်ဆောင်၌ ငါးမျှားရန် ရည်ရွယ်လျှင် စည်းမျဉ်းများကို လိုက်နာရန်၊ သင့်တင့်စွာ ဝတ်စားဆင်ယင်ရန်နှင့် သင့်ထံတွင် သင့်မြတ်သော ဘေးကင်းမှုဆိုင်ရာ ကိရိယာ တန်ဆာပလာများရှိရန် သေချာပါစေ။ ကျောက်ဆောင်၌ ငါးမျှားစဉ် အသက်ကယ်အင်္ကျီ ဝတ်ဆင်ထားရမည့် စည်းကမ်းချက်ကို မဖြစ်မနေ လိုက်နာရပြီး မဝတ်ဆင်လျှင် ဒဏ်ငွေဆောင်ရပါလိမ့်မည်။ အသက်ကယ်အင်္ကျီ လေထိုးရမည့်နည်းကို သင်သိရန် သေချာပါစေ။ လူများသည် မိမိတို့၏ ဘေးကင်းလုံခြုံမှုဆိုင်ရာ ကိရိယာတန်ဆာပလာများကို အသုံးမပြုတတ်ကြသဖြင့် ရေနစ်သေဆုံးမှု အမြောက်အမြားဖြစ်ရပါသည်။