رِپ کرنٹس پانی کی ایسی قوی لہریں ہیں جو ساحل سے دور سرف کی حدود تک جاتی ہیں۔ یہ آسٹرلین بیچوں پر سب سے بڑا خطرہ ہیں۔ رپ سے بچنے کا بہترین طریقہ یہ ہے کہ آپ سرخ اور پیلے جھنڈوں کے درمیان گشتی نگرانی کیۓ جانے والے بیچ پر تیریں۔

جب پھولی ہویٔ بڑی لہر اتھلے پانی میں پہنچتی ہے، یہ اپنے آپ کواوپر کی طرف اٹھاتی ہے تا وقتیکہ اوپر نہ رہ سکے۔ ایسی صورت وہ ٹوٹتی ہے۔ تین اقسام کی ٹوٹتی ہویٔ لہریں ہیں جو ایک دوسری سے مختلف ہوتی ہیں۔ کسی بھی بیچ پر عام طور پران ہی تین قسموں کی لہروں کا امتزاج ہوگا۔ نیچے جانے والی یا گرنے والی لہریں، لڑھکنے اور اچھلنے والی لہریں اور ابھرتی ہویٔ لہریں۔ گرتی ہویٔ قوی لہریں اور ابھرنے والی لہریں خطرناک ہو سکتی ہیں کیونکہ وہ بڑی ہوسکتی ہیں اور اچانک آسکتی ہیں۔

آسٹریلیا کی گرمیاں لمبے، گرم اور دھوپ والے دنوں کے مترادف ہیں۔ اس کا مطلب ہے کہ گرمی کا زیادہ سامنا اور ممکنہ طور پرخطرناک یو وی (بالاۓ بنفشی) شعاؤں کا سامنا۔ بیچ پر لطف اندوز ہونے کے لیۓ اہم ہے کہ آپ سورج سے حفاظت سے متعلق کچھ سیدھی سی باتوں کی پیروی کریں۔۔ اس بات کا ہمیشہ خیال رکھیں کہ باہر نکلنے سے کم ازکم بیس منٹ پہلے سن سکرین لگاٰ یٔیں اور ہر چند گھنٹوں کے بعد پھر لگایٔیں۔

بلو باٹلز(فزیلیا) آسٹریلیا کے ساحل پر غالبا' سب سے زیادہ جانی پہچانی جیلی فش ہے۔ ان کا غبارہ نما نیلے رنگ کا بادبان پانی سے اوپر کھڑا رہتا ہے اور نیچے اپنے لمبےمحس (ٹینٹیکل) کے ساتھ جڑا ہوتاہے۔ یہ محس ڈ نکنے والے خلیوں سے ڈھکا ہوتا ہے، جنہیں میٹاموٹسٹ کہتے ہیں۔ جب یہ جلد کو چھوتا ہے تو ردِ عمل کے طورپر تھوڑی مقدار میں ایک زہریلا مادہ داخل کرتا ہے جس سے اشتعال ہوتا ہے اور اس سے کافی درد ہو سکتا ہے۔

اگرچہ نیلے رنگ کے آکٹوپس چھوٹے اور خوبصورت دکھایٔ دیتے ہیں، یہ جان لیوا ہو سکتے ہیں۔ وہ انتہایٔ اچھی طرح سے پتھروں میں چھپے ہوۓ ہوتےہیں اور صرف خطرے کے وقت نیلے گھیرے دکھاتے ہیں۔ نیلے رنگ کے آکٹوپس عام طور پر آسٹریلیا کے ٹایٔڈل ذونوں میں اتھلے پانی کے تالابوں میں موجود پتھروں میں چھپے ہوۓ ہو تے ہیں۔

آسٹریلیا میں کیٔ قسم کے شارک ہو تے ہیں۔ زیادہ تر انسانوں کے لیۓ بے ضرر ہو تے ہیں۔ اگرچہ انسان شارکوں سے ڈرتے ہیں، وہ ہمارے ماحولیاتی نظام کا ایک اہم حصہ ہیں۔ شارک کے حملے شازونادر ہوتے ہیں اوراگر آپ تحفظ کے بارے میں ہمارے مشوروں پر عمل کریں تو خطرہ اور بھی کم ہو جاتا ہے۔ بیچ پر محفوظ ترین حصہ سرخ اور پیلے جھنڈوں کے درمیان کا علاقہ ہے جہاں پر تربیت یافتہ لایٔف سیورز اور لایٔف گارڈز شارکوں پر تیز نظر رکھے ہوۓ ہو تے ہیں۔ اگر وہ کسی شارک کو دیکھتے ہیں تو لایٔف سیورز اور لایٔف گارڈز سایٔرن یا گھنٹی بجایٔں گے، سرخ اور سفید جھنڈا لگایٔں گے اور آپ کو فوری پانی سے نکلنے لیۓ کہیں گے۔

زندگی بچانے والے(لایٔف سیورز) جھنڈیاں ایسی جگہ لگا تے ہیں جہاں تیرنا محفوظ ہو اور وہ اس علاقے کا مشاہدہ کریں گے اور اگر آپ کو مدد کی ضرورت ہو تو وہ دیکھ لیں گے۔

لایف سیور آپ کو یہ بتانے کے لۓ کہ کویٔ خطرات موجود ہو سکتے ہیں، بیچ پر نشانات نصب کر لیتے ہیں۔۔پانی میں جانے سے پہلے اس بات کو یقینی بنایٔیں کہ آپ ان نشانات کو دیکھ چکے ہوں۔

جب آپ بیچ پر پہنچیں، لایٔف سیور کو ہیلو کہیں۔۔وہ وہاں پر آپ کی مدد کے لۓ ہیں وہ نۓ لوگوں سے ملنے اور ان کے سوالوں کے جواب دینے میں بہت خوشی محسوس کرتے ہیں۔

ہمیشہ کسی دوست یا بالغ شخص کے ساتھ تیریں، کبھی بھی اکیلے پانی میں نہ جایٔیں

سمندر میں یوں پھنس جانا کہ آپ تہہ کو نہ چھو سکیں، خطرے والی بات ہے لیکن یادرکھیں کہ پرسکون رہیں اورمدد کے لۓ اپنا بازو اوپر اٹھایٔیں۔ پانی کی سطح پر تیرنے کی کوشش کریں اور اگر آپ محسوس کریں کہ آپ ساحل سے دور ہورہے ہیں تو پانی کے بہاؤ کےخلاف تیرنے کی کوشش نہ کریں۔۔اس سے آپ تھک جایٔیں گے اور پانی کی سطح پر تیرنے کے قابل نہیں رہیں گے۔

اگر آپ تیر نہیں سکتے تو مشکل میں گھرے دوسرے لوگوں کوبچانے کی کوشش نہ کریں۔۔ہمیشہ مدد حاصل کریں۔۔اگر لایٔف سیور دستیاب نہ ہوں تو ۰۰۰ پر کال کریں۔ آپ کسی اور کی مدد ان کی طرف کویٔ چیز پھینک کر کر سکتے ہیں جسے وہ سہارے کے لیٔے پکڑ سکیں جیسا کہ بورڈ یا کولر باکس اِدھر ادھر نظر ڈالیں ،کیٔ بیچوں پر عوام کے استعمال کے لۓسرخ رنگ کے تیرنے والے آلے نصب ہوۓ ہوتے ہیں