तानेर लाग्ने प्रवाह (रिप करेन्ट) को खतरा
हरेक वर्ष डुब्ने र उद्धार गर्नु पर्नेको सबैभन्दा ठूलो कारण रिप करेन्टहरु हुन्। तिनीहरु के हुन् र कसरी यसबाट बाहिर निस्कने जान्नु समुद्रीतटमा सुरक्षित रहनको लागि महत्वपूर्ण छ।
रिपहरु अष्ट्रेलियाको समुद्री तटहरुमा भेटिने सबभन्दा ठूलो खतरा हो।
रिपबाट बच्ने सबैभन्दा राम्रो तरिका भनेको रातो र पहेंलो झण्डाहरुबीच गस्ती हुने समुद्रीतटमा पौडी खेल्नु हो।
कसरी रिप करेन्टलाई थाहा पाउने
रिप करेन्ट अष्ट्रेलियाको समुद्रीतटहरुमा देखिने सबैभन्दा खतरनाक जोखिमहरुमध्ये एक हो र हरेक वर्ष धेरै मानिसहरु यसमा परेर डुब्छन्। तपाईले आफ्नो र तपाईको परिवारको लागि गर्न सक्ने सबैभन्दा राम्रो गुण भनेको सधैं रातो र पहेंलो झण्डाहरुबीच पौडी खेल्नु हो। जीवनरक्षकहरुले समुद्रीतटको सबैभन्दा सुरक्षित भागमा झण्डाहरु राख्छन् र दिनभर झण्डा लगाएको क्षेत्रको निगरानी गर्नेछन्। रिपको बारेमा अधिक सिकाइ र तिनीहरुलाई कसरी पत्ता लगाउने भनेर जान्नाले तपाईलाई सुरक्षित रहन मद्दत गर्न सक्छ। थप जान्नको लागि यो भिडियो हेर्नुहोस्।
सधैं संकेतहरुलाई ध्यान दिनुहोस्।
रिपबाट बच्नको लागि एक तरिका भनेको संकेतहरुको लागि हेर्नु हो - जीवनरक्षक र लाइफगार्ड्सले समुद्रीतटमा संकेत राख्नेछन् तपाईलाई रिप करेन्टहरुजस्ता खतरनाक अवस्थाको चेतावनी दिन। सुरक्षित हुन सधैं रातो र पहेँलो झण्डाबीचमा पौडी खेल्नुहोस्।
रिप करेन्टबाट कसरी बाँच्ने
रिप करेन्टलाई कसरी पत्ता लगाउने जान्नु राम्रो हो तर तपाई कहिल्यै यसमा फस्नुभयो भने कसरी बाँच्ने भन्ने कुरा जान्नु अझ बढी महत्वपूर्ण हुन्छ, खासगरी यदि त्यहाँवरपर तपाईको मद्दतको लागि कोही छैन भने। शान्त रहनुहोस्, तैरिन खोज्नुहोस् र प्रवाह विरूद्ध लड्ने कोशिस नगर्नु यसबाट बच्ने उत्तम उपायहरू हुन्। थप जान्नको लागि यो भिडियो हेर्नुहोस्।
