रिप करेन्टहरु समुद्री किनाराबाट सर्फ क्षेत्र भएर भित्र तानेर लाग्ने पानीको बलियो बहावहरु हुन्। तिनीहरु अष्ट्रेलियाको समुद्रीतटहरुमा भेटिने सबभन्दा ठूलो खतरा हो। रिपबाट बच्ने सबैभन्दा राम्रो तरिका भनेको रातो र पहेंलो झण्डाहरुबीच गस्ती हुने समुद्रीतटमा पौडी खेल्नु हो।

जब लहर कम पानीको तहसम्म पुग्छ, यसले आफैँलाई माथि धकेल्छ र यसले थाम्न सकेसम्म माथि धकेल्छ। थाम्न नसकेपछि यो लहर त्यही बेला टुट्नेछ। टुट्ने लहरहरु तीन प्रकारका हुन्छन् र प्रत्येक लहर धेरै फरक हुन्छन्। कुनै पनि समुद्रीतटमा, त्यहाँ सामान्यतया ती तीन प्रकारका लहरहरुको सम्मिश्रण हुन्छ, ‘प्लन्जिङ्’ वा ‘डम्पिङ्’ लहरहरु (डुब्ने), ‘स्पिलिङ्’ वा ‘रोलिंग’ लहरहरु (घुम्ने), र ‘सर्जिङ्’ (उर्लँदो) लहरहरु। बलियो ‘डम्पिंग’ र ‘सर्जिङ्’ लहरहरु खतरनाक हुन सक्छ किनकि ती ठूला हुन सक्छ र अचानक आउन सक्छ।

अष्ट्रेलियाको गर्मी याममा लामा, तातो र घमाईला दिनहरू हुन्छन्। यसको मतलब त्यहाँ गर्मी र सम्भावित खतरनाक पराबैजनी (UV) किरणहरुको जोखिम बढेको छ। समुद्रीतटको आनन्द लिनको लागि, घामबाट सुरक्षित हुन तपाई थुप्रै सरल कुराहरू पालना गर्नु महत्वपूर्ण हुन्छ - तपाईले बाहिर जानुभन्दा कम से कम २० मिनेटअघि सधैं सनस्क्रिन लगाउनुहोस र प्रत्येक केही घण्टामा पुन: लगाएको सुनिश्चित गर्नुहोस्।

ब्लुबोटल (Physalia) शायद अष्ट्रेलियाको समुद्रीतट किनारहरूमा प्रायः देखिने जेलीफिश हो। तिनीहरुको नीलो, बेलुनजस्तो पाल पानीको माथि रहन्छ र यो त्यसको मुनि एक लामो फैलिएको लचकचदार तन्तु (tentacle) संग जोडिएको हुन्छ। यो टेन्टेकल nematocysts नामक घोच्ने/ डस्ने कोषहरुले ढाकिएको हुन्छ. जब यसले छालालाई छुन्छ यसले विषको एक सानो मात्रालाई छालाभित्र पुराउँछ जसले जलन पैदा गर्दछ र निलै दुख्न सक्छ।

नीलोधर्के अक्टोपस सानो र सुन्दर देखिन सक्छ तर यो घातक हुन सक्छ। तिनीहरु चट्टानहरुमा धेरै राम्रोसंग छालावरण गरेर लुकेर बसेको हुन्छन् र तिनीहरुले खतरा महसुस गर्दा मात्र आफ्नो नीलो रिंगहरु प्रदर्शन गर्दछन्। नीलो रिंग भएको अक्टोपस सामान्यतया अष्ट्रेलियाभर अन्तर-ज्वार क्षेत्रको कम गहिरो चट्टानी पोखरीमा लुकेको पाइन्छ।

अष्ट्रेलियाभर धेरै प्रकारका शार्कहरु पाईन्छन्। मानिसहरुको लागि तिनीहरू प्रायःजसो हानिकारक हुँदैनन्। मानिसहरु शार्कदेखि डराएपनि तिनीहरू इकोसिस्टम (परिस्थिति तन्त्र) को एक महत्वपूर्ण हिस्सा हुन्। शार्क आक्रमणहरु धेरै दुर्लभ हुन्छन् र यदि तपाई हाम्रो सुरक्षा सुझावहरुको पालन गर्नुहुन्छ भने जोखिम पनि कम छ। समुद्रीतटको सबैभन्दा सुरक्षित भाग रातो र पहेँलो झण्डाहरुबीचको क्षेत्र हो जहाँ प्रशिक्षित जीवनरक्षक र लाइफगार्ड शार्कको लागि निगरानी गरिरहेका हुन्छन्। यदि उनीहरुले शार्क फेला पारेमा, जीवनरक्षक र लाइफगार्डले एक सायरन (घन्टी) बजाउनेछन्, रातो र सेतो झण्डा फहराउनेछन् र तपाईलाई तुरुन्तै पानीबाट बाहिर निस्कने निर्देशन दिनेछन्।

लाइफसेभरहरूले पौडी खेल्न सुरक्षित भागमा झण्डा गाडिदिन्छ र उनीहरूले यो क्षेत्रको निगरानी गरिरहेका हुन्छन् र तपाईंलाई मद्दत चाहिएको अवस्थामा उनीहरूले तपाईंले देख्नेछन्।

लाइफसेभरले समुद्रीतटमा रहेको कुनै पनि खतराहरूबारे सूचित गर्न संकेतहरू राखिदिन्छ - तपाईं पानीमा जानुभन्दा पहिले यी संकेतहरू हेरेको निश्चित गर्नुहोस्।

तपाईं समुद्रीतटमा जाँदा लाईफसेभरहरूसँग बोल्नुहोस् र अभिबादन गर्नुहोस् - उनीहरू मद्दत गर्नका लागि तयार हुन्छन् र उनीहरूलाई नयाँ व्यक्तिहरू भेट्न र तपाईंका प्रश्नहरूको उत्तर दिन मन पराउँछन्।

सँधै कुनै साथी वा वयस्क मानिससँग पौडी खेल्नुहोस् र आफै एक्लै कहिले पनि पानीमा नजाउनुहोस्।

समातिनु जहाँ आफू मुनिको जमीन छुन नसक्ने महासागरमा समस्यामा पर्दा डर लाग्नु स्वभाविक हो। तर शान्त रहनुहोस् र मद्दतको लागि आफ्नो हात उठाउनुहोस्। तैरिने कोशिश गर्नुहोस् र यदि तपाईंलाई छालले तटबाट तानेर लागेको जस्तो लागेमा छालको प्रवाह विरुद्ध पौडी खेल्ने कोशिश नगर्नुहोस् - यसले तपाईंलाई थकित बनाउँदछ र आफू तैरिन असमर्थ बनाउँदछ।

यदि तपाईं पौडी खेल्न आउदैन भने समस्यामा रहेका अन्य मानिसहरूलाई बचाउने प्रयास नगर्नुहोस् - सँधै गुहार गर्नुहोस् - यदि लाइफसेभर उपस्थित छैन भने 000 मा फोन गर्नुहोस्। तपाईंले उनीहरूलाई समाउन वा थाम्न मद्दत गर्न कुनै (सर्फिंग) बोर्ड वा कूलर बक्स जस्ता केहि सामान उनी तर्फ फ्याँक्न सक्नुहुनेछ। वरिपरि हेर्नुहोस् - प्रायः समुद्रीतटहरूमा सार्वजनिक प्रयोगको लागि रातो तैरिने उपकरणहरू (फ्लोटेसन डिभाईस) राखिएको हुन्छ।